Bazar günü 24 Mart 2019
UTECA tələbəsi prezidentlə görüşüb. Azərbaycan Texnologiya Universitetinin 3-cü kurs tələbəsi İsmayıl Qaçaylı Prezident İlham Əliyev və birinci xanım Mehriban Əliyevayla Bakıda, Novruz bayramı münasibətilə təşkil edilən ümumxalq şənliyində görüşüb.
Yüksək ixtisaslı baytar həkimləri yetişdirmək üçün Kənd Təsərrüfatı Nazirliyi Latviya Təbiət Elmləri və Texnologiya Universiteti ilə əməkdaşlığa başlayıb. Baytarlıq təbabəti ixtisası üzrə Avropanın ən qabaqcıl universitetlərindən olan bu universitetlə Azərbaycan Dövlət Aqrar Universitetinin tərəfdaşlığı Aqrar Kredit və İnkişaf Agentliyinin həyata keçirdiyi “Kənd Təsərrüfatının Rəqabət Qabiliyyətinin Gücləndirilməsi” Layihəsi çərçivəsində baş tutub.
Azərbaycan Texnologiya Universitetinin tələbəsi İsmayıl Qaçaylı Təhsil Nazirliyinin “Bir” Tələbə-Könüllü proqramının 2018-ci il üzrə ən fəal tələbə-könüllüsü kimi mükafata layiq görülüb. Mükafatlandırma mərasimində təhsil nazirinin müavini Firudin Qurbanov, təhsil müəssisələrinin prorektorları və tələbə-könüllüllər iştirak ediblər.
Azərbaycan Texnologiya Universitetində (UTECA) hər il olduğu kimi bu ildə açıq havada Novruz bayramı münasibəti ilə bayram şənliyi təşkil olunub. Universitetin rektoru, professor Akif Süleymanov əvvəlcə UTECA kollektivinin milli adət-ənənələrimizi əks etdirən stendləri ilə tanış olub.
“Ölkəmizi tanıyaq” maarifləndirici tur-aksiyasının Gəncədən olan iştirakçıları daşıyan avtobusun sonuncu dayanacağı Heydər Əliyev park-kompleksi, Zəfər Tağının qarşısı olub. Şagirdləri Gəncə Şəhər İcra Hakimiyyətinin başçısı Niyazi Bayramov və şəhər ictimaiyyətinin nümayəndələri qarşılayıblar.
Azərbaycan Dövlət Aqrar Universitetinin (ADAU) Yerquruluşu kafedrasının əməkdaşları Cəbrayıl rayonu Cocuk Mərcanlı kəndində torpaqdan səmərəli istifadənin təşkilinə dair təlim keçiblər.
Vətənimizin dilbər guşələri ilə tanışlıq biz məktəblilərin ürəyincədir.
Respublikamızın şəhər və rayonlarının IX-XI sinif şagirdləri üçün “Ölkəmizi tanıyaq” devizi ilə keçirilən maarifləndirici tur-aksiya çərçivəsində Gəncə-Şəmkir-Göygöl-Tovuz-Qazax-Ağstafa marşrutu üzrə ekskursiyaya çıxan Kürdəmir, Saatlı, Sabirabad, Zaqatala, Balakən və Qax məktəbliləri Gəncə şəhəri ilə tanış olublar. Tur-aksiya iştirakçılarının Gəncə şəhəri ilə tanışlığı Heydər Əliyev Park Kompleksi ilə başlayıb. Məktəbliləri Zəfər Tağı önündə Gəncə Şəhər İcra Hakimiyyətinin nümayəndələri qarşılayıblar.
Gəncə Dövlət Universitetində Biologiya-kimya fakültəsinin təşkilatçılığı ilə “Səməni” festivalı baş tutub. Festivalın şərtlərinə görə ayrı-ayrı ixtisas və kurslarda təhsil alan tələbələr Novruz bayramının atributlarını və milli adət-ənənələrimizi özündə əks etdirən bayram xonçaları hazırlayaraq nümayiş etdiriblər.
Azərbaycan Respublikasının Gənclər Fondunun maliyyə dəstəyi, "Aqrar İnkişaf Könüllüləri" Təşkilatının təşkilatçılığı və Azərbaycan Dövlət Aqrar Universitetinin tərəfdaşlığı ilə keçirilən "Gənc Aqronomlar Məktəbi" layihəsinin ilkin mərhələsi uğurla başa çatıb.Layihənin sonuncu günündə “Aqrar təhsilin təbliği modeli” mövzusu müzakirə olunub.
