Bazar ertəsi 26 İyul 2021

Cəmiyyət

Gəncə şəhəri Nizami rayonu ərazisində iməcilik təşkil olunub

GanjaNews - 15/11/2019

Gəncə Şəhər Nizami Rayon İcra Hakimiyyətinin təşəbbüsü ilə rayonun müxtəlif ərazilərində mütəmadi iməciliklər təşkil olunur. Bu gün Rayon İcra Hakimiyyəti Aparatı əməkdaşlarının, MKTİB-nin, “Dost İş Mərkəzi” MMC-nin, Gəncə Avtomobil zavodu əməkdaşlarının və sakinlərin yaxından iştirakı ilə rayonun Aeroport yolu, Gülüstan yaşayış massivi, Avtomobil zavodu ərazisi, 28 May, Ə.Əliyev, S.Vurğun, Eminbəyli, Məmmədqasım Əliyev küçələrində və H.Z.Tağıyev parkında iməcilik və ağacəkmə aksiyası təşkil edilib.

İməcilik zamanı ərazidə mövcud olan ağacların suvarılması, qurumuş ağacların yenisi ilə əvəz olunması, otların biçilməsi, ərazinin məişət və polietilen tullantılardan təmizlənməsi həyata keçirilib. 

Oktyabr ayından başlayaraq davam edən aksiyada bu günədək 5000-dən çox ağac-evdar şamı, sərv və digər ağaclar əkilib. Bu gün təşkil olunan aksiyada isə 200 ədəd ağac, 300 ədəd dekorativ gül kolları əkilib. Əkilən ağac və dekorativ gül kolları əraziyə gələn xüsusi maşınlarla suvarılıb. Sözügedən işlərdə diqqətçəkən məqam sakinlərin də öz evlərinin ətrafında aparılan təmizlik işlərinə böyük coşqu ilə qoşulmasıdır. Onlar da aidiyyəti şəxlər kimi ərazidə ağaclara qulluq göstərir, təmizliyə kömək edirlər.