Çərşənbə axşamı 22 Oktyabr 2019

Təhsil

ADAU-da subsidiyalarla bağlı təlim qrupunun üzvləri ilə görüş keçirilib

Sənubər Qocayeva - 07/10/2019

Azərbaycan Dövlət Aqrar Universitetində (ADAU) təhsil müəssisəsinin, Heyvandarlıq Elmi-Tədqiqat İnstitutunun (HETİ), həmçinin Gəncə və Şəki Regional Aqrar Elm və İnnovasiya Mərkəzlərinin ( RAEİM) 10 nəfərdən ibarət əlavə təlim qrupunun üzvləri ilə görüş keçirilib.

Görüşdə ADAU-nun rektoru, AMEA-nın müxbir üzvü, professor İbrahim Cəfərov çıxış edərək Azərbaycan Respublikası Prezidentinin 27 iyun 2019-cu il tarixli “Aqrar sahədə yeni subsidiya mexanizminin yaradılması haqqında” Fərmanının əhəmiyyətindən, bu sahədə maarifləndirmə işlərinin təşkilindən universitetin və digər qurumların rolundan danışıb.

Azərbaycan Respublikası Kənd Təsərrüfatı Nazirliyinin Aparat rəhbərinin müavini Mahir Məlikov və  Təhsil və təlim şöbəsinin Təlimin təşkili və monitorinqi sektorunun müdiri Fidan Fətəliyeva  kənd təsərrüfatı məhsulları istehsalının subsidiyalaşdırılması qaydalarının kənd təsərrüfatı istehsalçılarına izahının, bütövlükdə təlimlərin təşkilinin metodikası barədə ətraflı məlumat veriblər. Görüşdə təlimçilərin nümunəvi təqdimatları dinlənilib, suallar cavablandırılıb, habelə rayonlar üzrə təlimlərin qrafiki müzakirə olunaraq təsdiq edilmişdir.

Photogallery

71893676 2553779021381704 8740422476456001536 N 72309145 2553779028048370 5407870000444735488 N 71488889 2553778951381711 4180985847580983296 N 71079911 2553778938048379 1173621219749003264 N

Hadisə