Cümə axşamı 19 Sentyabr 2019

Səhiyyə

Gəncə Tibb Kolleci yeni veb səhifəsini və loqosunu təqdim edib

GanjaNews - 19/06/2019

Gəncə Tibb Kolleci 17 iyun Tibb işçilərinin peşə bayramı ərəfəsində müəssiənin yeni veb səhifəsinin və loqosunun təqdimatını keçirib. Bu barədə məlumatı Gəncə Səhiyyə İdarəsinin mətbuat xidməti yayıb.
Tədbirdə qonaqları salamlayan kollecin direktoru Mehman Rzayev inkişaf edən Azərbaycan Səhiyyəsinin tarixinə nəzər salaraq bildirib ki, son illər ölkəmizin bütün şəhər və rayonlarında tibb ocaqları tam təmir edilib və müasir avadanlıqlarla və invertarlarla təchiz olunub.

“Bütün sahələrdə olduğu kimi səhiyyədə də yeniliklər göz qabağındadır. Bu gün kollecimizdə yaradılan şərait də bunu deməyə əsas verir. Tələbələrimiz yüksəksürətli internet vasitəsilə elektron kitabxanadan istifadə edir, dərs proqramını müasir smart lövhələrdə mənimsəyirlər. Bu gün də kollecimiz daha bir yeniliyə imza atır. Ümidvaram ki, ölkə başçısı İlham Əliyevin diqqət və qayğısı sayəsində bütün sahələrdə olduğu kimi səhiyyə sistemində də, tibbi təhsilin səviyyəsinin yüksəldilməsi istiqamətində də aparılan işlərdə bizim kollecin payı olacaq ” deyə M. Rzayev əlavə edib.

Sonra Gəncə Tibb Kollecinin yeni loqosu və veb səhifəsini ərsəyə gətirən “Mano” MMC şirkətinin layihə rəhbəri Şəfa Sarısoy qonaqlara görülən işlərdən danışıb. O bildirib ki, loqoda olan qara qızıl gül yenidən doğulma, yeniliyin başlanğıcı, köhnəliyin sonu, möhtəşəmliyi, özünə əminlik və daimiliyi əks etdirir. Loqoda olan 7 yarpaq kollecdə fəaliyyət göstərən 7 ixtisasın sayının göstəricisidir: Müalicə işi, Tibbi proflaktika,  Mamalıq işi, Ortopedik stomatologiya, Əczaçılıq işi, Tibb bacısının işi və Laboratoruya diaqnostikasıdır. Aşağıda olan iki böyük yarpaq isə təhsil ocağını tərənnüm edir və açılmış kitab mənasını daşıyır.

Veb səhifə barədə danışan Şəfa Sarısoy bildirib ki, hər kəs gtk.az yazaraq səhifəyə daxil ola bilər. Yüksək texnologiyalı səhifədə Gəncə Tibb Kolleci barədə bütün lazım olan məlumatlar yer alıb. Bu səhifəyə daxil olanlar kollecin tarixi, fakultələr, kollecə qəbul və tədrisin təşkili, rəhbərlik və müəllimlər barədə ətraflı məlumat əldə edə bilərlər. Bundan başqa tələblərin həyatı ilə bağlı bölüm, foto qalereya, xəbərlər bölümü saytda yer alıb.

Şəfa Sarısoy əlavə edib ki, artıq gtk.az saytına daxil olmaqla tələbələrimiz və müəllimlərimiz elektorn kitabxanadan da istifadə edə biləcəklər. Layihə rəhbəri bildirib ki, gələcəkdə sayt üzərindən distant təhsil layihəsi üzərində iş gedir.

Təqdimat mərasimində iştirak edən Gəncə icra hakimiyyəti başçısının müavini Vəfa Abbasova çıxış edərək bildirib ki, kollecin günü gündən inkişaf etməsi bu tədris müəssisəsində təhsilin səviyyəsinin yüksələcəyindən xəbər verir:

Dünən, bu gün görülən işlər bir müddət sonra öz bəhrəsini verəcək. Gəncə Tibb Kollecində yaradılan şərait bunu deməyə əsas verir. Bu gün eletron kitabxanaya, müasir avadanlıqlarla təchiz edilmiş, təmir olunmuş işıqlı otaqlarda tibb elminin incəliklərinə yiyələnən gənclərimiz bir müddət sonra Azərbaycanın tibb ocaqlarında əhaliyə yüksək xidmət göstərəcək. Mən ümidvaram ki, başlanılan bu işlər gələcəkdə də davam etdiriləcək” deyə başçının müavinin əlavə edib.

Sonra kollecin tələbələri çıxışlar edərək yaradılan yüksək şəraitə görə dövlət başçısı İlham Əliyev cənablarına, Səhiyyə naziri cənab Oqtay Şirəliyevə, şəhər rəhbərliyinə, kollecin direktoru Mehman Rzayevə dərin minnətdarlıqlarını bildiriblər.  

Photogallery

700142f2 3d97 4f50 86e3 4a20fc49c14b 77c1060c D25e 4846 95fc Cd01d124dc88 27657209 C42e 45f2 B717 E1ac87c48097 F28718b5 1d85 424a 88a1 659f7388fb5b +EP6A1594 +EP6A1547 +EP6A1561

Hadisə

Cəmiyyət