Bazar ertəsi 26 Avqust 2019

Cəmiyyət

Niyazi Bayramov sakinləri dinləyib

Sənubər Qocayeva - 06/08/2019

Gəncə Şəhər İcra Hakimiyyətinin başçısı Niyazi Bayramov vətəndaşlarla növbəti dəfə görüş keçirib. “Açıq mikrofon” şəraitində baş tutan görüşdə vətəndaşların təklif, müraciət və şikayətlərinə baxılıb. Sakinlərlə görüşlər Prezident İlham Əliyevin tapşırıq və tövsiyyələrinə uyğun olaraq keçirilir. Məqsəd sakinləri narahat edən məsələlərdən xəbərdar olmaq, mövcud problemləri aradan qaldırmaqdır.

İşlə təminat, məhəllədaxili yolların təmiri və işıqlandırılması, çoxmərtəbəli binaların dam örtüyünün yenilənməsi kimi məsələlər müraciətlərin əsasını təşkil edib. Sadılı qəsəbəsində yaşanan nəqliyyat probleminin aradan qaldırılması üçün  26 nömrəli marşrut xəttinin xidmət yolunun uzadılması və ya əlavə marşrut xəttinin açılması, sahibsiz itlərlə bağlı tədbir görülməsinə dair də xahişlər edilib.

Niyazi Bayramov bilirib ki, Gəncə daim Prezident İlham Əliyevin diqqətindədir. Şəhər rəhbəri Prezident İlham Əliyevin müvafiq sərəncamlarına uyğun olaraq Gəncədə aparılan abalıq-quruculuq işlərindən söz açıb. O bildirib ki, şəhərin su-kanalizasiya sistemi yenidən qurulur, bir sıra  küçələrdə asfalt örtüyü yenilənir, həmin ərazilərdə müasir işıqlandırma sistemi yaradılır, çoxmənzilli binaların dam örtüyü dəyişdirilir. Görülən işlər mərhələli şəkildə davam etdiriləcək.

Görüşdə sakinlərin fərdi problemləri də dinlənilib. Səsləndirilən bir çox məsələlər yerindəcə öz həllini tapıb. Bəzilərinin isə araşdırılaraq aradan qaldırılmaları üçün aidiyyatı idarə və təşkilat rəhbərlərinə müvafiq tapşırıqlar verilib.

 

Photogallery

PS2A5654 PS2A5675 PS2A5698 PS2A5678 PS2A5682 PS2A5693

Ən çox oxunan

Cəmiyyət