Çərşənbə axşamı 20 Noyabr 2018

Təhsil

ADAU-nun tələbələri pambıq sahələrində təcrübə keçiblər

Sənubər Göyüşqızı - 01/10/2018

Azərbaycan Dövlət Aqrar Universitetinin Aqronomluq fakültəsinin, III kurs "aqronomluq" ixtisasının tələbələri, Gəncə regional aqrar elm və innovasiya mərkəzinin ərazisində pambıq sahələrində son vegetasiya işləri ilə tanış olub və pambıq yığımında iştirak ediblər.

Strateji əhəmiyyət daşıyan pambıqçılıq fakültədə tədris edilir, elmi cəhətdən araşdırılır, öyrənilməsi və təcrübədə tətbiqi üçün ən zəruri və müasir metodlardan istifadə edilir, tələbələrə bu sahənin incəlikləri nəzəri cəhətdən tam mənası ilə çatdırılır. Təbii ki, tədris təkcə nəzəriyyə ilə kifayətlənmir. Tələbələr bu bitkinin əkinindən tutmuş son vegetasiya işlərinə qədər onu sahələrdə izləyir və auditoriyalarda öyrəndiklərini təcrübədə sınayırlar. Bu məqsədlə müxtəlif pambıqçılıq bölgələrində vegetasiyanın əvvəlində torpağın əkinə hazırlanması mərhələsindən səpin və pambığın becərilməsi dövrü aqrotexniki tədbirlərin yerinə yetirilməsində əyaniliklə iştirak edirlər.
 
Qeyd etdiyimiz kimi bu dəfədə tələbə və müəllim heyəti son vegetasiya işlərini izləmək üçün yenidən pambıq sahəsində olmuş, mövcud durumla ətraflı tanış olublar. 

Universitetin elmi işlər üzrə prorektoru ,dosent Vüqar Bəşirov və  fakültədə pambıqçılıq dərsini tədris edən dosent Xalıq Xəlilov nəzəri bilikləri pambığın son mərhələsi ilə uyğunlaşdırıb əyaniliklə izahat veribər. Bundan sonra tələbə və müəllim heyəti könüllü şəkildə sahədə olan pambıq yığımına böyük ruh yüksəkliyi və coşqu ilə qoşulub, “ağ qızılın” yığımında iştirak ediblər.

Photogallery

42719569 1960861350673477 7585777238264512512 N 42758733 1960861457340133 4068140697184632832 N 42767808 1960861537340125 3763457542567493632 N