Çərşənbə axşamı 14 Avqust 2018

Təhsil

ADAU-da fermerlər üçün seminar keçirilib

Samirə Səmədova - 08/02/2018

Azərbaycan Dövlət Aqrar Universitetinin Baytarlıq təbabəti və zoomühəndislik fakültəsinin tədris binasında fermerlər üçün "İribuynuzlu qaramalın bəslənməsi" mövzusunda seminar keçirilib. Seminarı giriş sözü ilə açan universitetin rektoru İbrahim Cəfərov qeyd edib ki, aqrar sahədə heyvandarlığın yeri, heyvandarlığa dövlət dəstəyi, o cümlədən cins mal-qara ilə təchizat, süni mayalanma yolu ilə alınan buzovlara görə birbaşa maliyyə vəsaitinin ödənilməsi kimi tədbirlər bu sahənin dinamik inkişafı ilə müşahidə olunub.

Bildirilib ki, Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti  tərəfindən icra olunan Kənd Təsərrüfatının Rəqabət Qabiliyyətinin Gücləndirilməsi Layihəsi çərçivəsində universitetin nəzdində 20 baş iribuynuzlu heyvan və 4 baş atın saxlanılması məqsədi ilə eksperemental ferma tikilib, ferma üçün lazım olan avadanlıq, ləvazimatların və yemin tədarükü həyata keçirilib.

Təşkil olunan nümunəvi təsərrüfatda baytarlıq təbabəti və zoomühəndislik fakültəsinin tələbələri, habelə heyvandarlıqla məşğul olan fermerlər üçün heyvanlar üzərində müasir diaqnostika və müalicə-profilaktika tədbirlərinin əyani göstərilməsi üçün  geniş imkanlar mövcuddur.

Seminarda müxtəlif istiqamətli qaramalın cins tərkibi və onun yaxşılaşdırılması yolları, qaramalın yemləndirilməsi, qaramalın xəstəliklərinə qarşı müalicə və profilaktiki tədbirlər, mal əti istehsalı və satışının təşkili məsələləri müzakirə olunub, maldarlıqla məşğul olan fermerlərin sualları cavablandırılıb.

Photogallery

IMG 8518 (1) IMG 8519 (1) IMG 8525 (1) IMG 8520 (1)

Hadisə