Cümə günü 27 Aprel 2018

Elm

ADAU-nun alimləri “Günəbaxan bitkisinin becərilmə texnologiyası”nı fermerlərlə müzakirə ediblər

Samirə Süleymanlı - 19/01/2018

Kənd Təsərrüfatı Nazirliyi Azərbaycan Dövlət Aqrar Universitetinin Aqronomluq fakültəsində rektor İbrahim Cəfərovun sədrliyi ilə “Günəbaxan bitkisinin becərilmə texnologiyası” mövzusunda respublikanın günəbaxan əkilən rayonlarından olan fermerlərin, torpaq mülkiyyətçilərinin və iş adamlarının iştirakı ilə işgüzar elmi-praktik seminar keçirilib.

ADAU-nun mətbuat xidmətinin xəbərinə görə elmi-praktik seminarda Samux, Goranboy, Tərtər, Bərdə,  Ağdam, Şəmkir və Göygöl rayonlarından olan torpaq mülkiyyətçiləri, fermerlər və sahibkarlar iştirak ediblər. Seminarda ADAU-nun alimlərinin müxtəlif mövzularda məruzələri dinlənilib. Rektor İbrahim Cəfərov seminarda giriş nitqi söyləyib, mövzunun əhəmiyyəti, fermerlərlə alimlərin bir araya gəlməsinin müsbət nəticələri, dövlətin aqrar sahəyə diqqəti barədə faktlar dilə gətirib, seminarın işinə uğur arzulayıb.

Sonra alimlərin məruzələri dinlənilib. Bitkiçilik və bitki  mühafizəsi kafedrasının dosent əvəzi Vüqar Bəşirov “Günəbaxan sahəsinin əkinə hazırlanması, toxumun seçilməsi və  səpinin optimal müddətdə aparılması”, Bitkiçilik və bitki mühafizəsi kafedrasının professoru Hümbət Hümbətov “Günəbaxan əkinlərində aqrotexniki tədbirlərin həyata keçirilməsi”, Bitkiçilik və bitki  mühafizəsi kafedrasının  dosenti Nəzakət İsmayılzadə və   həmin kafedranın dosent əvəzi  Aytəkin Məmmədova “Günəbaxan bitkisinin xəstəlik və zərərvericiləri və onlara qarşı mübarizə tədbirləri”, Menecment və aqrar marketinq kafedrasının assistenti Fərrux Rəhimov “Günəbaxan məhsulunun istehsalı və satışının təşkili” mövzusunda məruzə edib. Səslənən məruzələr böyük marağa səbəb olub.

Seminarın sonunda fermerləri maraqlandıran suallar ADAU-nun alimləri tərəfindən cavablandırılıb. Fevral ayının 13-ə kimi təhsil müəssisəsində müxtəlif mövzularda fermerlərlə daha 3 elmi seminarın keçirilməsi nəzərdə tutulub.

Photogallery

IMG 7982 IMG 7991 IMG 7968

Hadisə